ອີຣານ ຍົກລະດັບລົດຕັງ M60
ໜັງສືພິມກອງທັບປະຊາຊົນ ຫວຽດນາມ ລາຍງານຂ່າວໃຫ້ຮູ້ວ່າ: ຫວ່າງມໍ່ໆມານີ້, ໃນເຄືອຂ່າຍສື່ສັງຄົມອອນລາຍ ໄດ້ເປີດເຜີຍ
ໃຫ້ເຫັນລົດຕັງ M60 ທີ່ຜະລິດໂດຍສະຫະລັດອາເມຣິກາ, ທີ່ຫັນມາເປັນຜະລິດຕະພັນອຸດສາຫະກຳປ້ອງກັນຊາດ ຂອງອີຣານ, ເຊິ່ງ
ສະແດງໃຫ້ເຫັນຄວາມກ້າວໜ້າຂອງອີຣານ ໃນການປັບປຸງອາວຸດຍຸດໂທປະກອນ ແລະ ຍຸດທະສາດເພີ່ມທະວີກຳລັງການທະຫານ
ໃນສະພາບການຂອງໂລກທີ່ກຳລັງຜັນແປໄປຢ່າງສັບສົນ.
ຈາກສະພາບການດັ່ງກ່າວ, ອີຣານພວມຍົກລະດັບລົດຕັງ M60 ປະມານ 150 ຄັນ. ລົດຕັງເຫຼົ່ານີ້ໄດ້ຖືກນຳໃຊ້ໃນຊຸມປີ 1970
ເພື່ອເພີ່ມຄວາມສາມາດໃຫ້ແກ່ກຳລັງປະກອບອາວຸດ. ອີຣານໄດ້ຊື້ M60 ລຸ້ນທີສອງ ທີ່ມີກຳລັງການຍິງທີ່ແຂງແຮງ, ປ້ອງກັນ ແລະ
ເຄື່ອນທີ່ໄວ, ເໝາະສົມກັບຄວາມຕ້ອງການຂອງການສູ້ຮົບ. ອາວຸດຫຼັກຂອງລົດຕັງຊະນິດນີ້, ແມ່ນປືນໃຫຍ່ M68 ຂະໜາດ 105ມມ;
ຍິງໄດ້ກັບລູກປືນຫຼາຍປະເພດ, ລວມທັງລູກປືນ (HEAT) ແລະລູກປືນເຈາະເກາະທັນສະໄໝ (APFSDS); ຍັງມີປືນກົນ M85
12.7ມມ ແລະ ປືນກົນ M73 7.62 ມມ (ຕໍ່ມາໄດ້ຖືກປັບປຸງເປັນ M219 ແລະ M240C), ຊ່ວຍໃຫ້ມີຄວາມທົນທານໃນສະ
ໜາມສູ້ຮົບ. ການຍົກລະດັບ M60, ອີຣານໃຊ້ເຄື່ອງຈັກກາຊວນ Continental AVDS-1790-2 V12 twin-turbo ເຄື່ອງດຽວ
ກັນກັບລົດຕັງ M60A1; ລົດສາມາດແລ່ນໄດ້ເຖິງ 48 ກິໂລແມັດຕໍ່ຊົ່ວໂມງ ແລະ ແລ່ນໄດ້ປະມານ 500 ກິໂລແມັດ/1ຄັ້ງ; ລົດມີນ້ຳ
ໜັກປະມານ 52,6 ໂຕນ, ຍາວ 9,3 ແມັດ, ກວ້າງ 3,63 ແມັດ ແລະສູງ 3,27 ແມັດ. ນອກຈາກນັ້ນ, ລົດຕັງດັ່ງ ກ່າວຍັງຕິດປືນກົນ
M240 7.62 ມມ ແລະ ປືນກົນໜັກ M2 Browning ເພື່ອເພີ່ມກຳລັງ ການຍິງໃນການໂຈມຕີທາງອາ ກາດ ແລະ ທາງບົກໄດ້ອີກ.
ແຫຼ່ງທີ່ມາ: ໜັງສືພິມກອງທັບ
ວັນທີ 28/03/2024